إسمحوا لي بقاف(ن)في عجل=غازي الشوق فيني حركه
غائر(ن)بالصدر ماهو مجل=شكشك الروح مني شكشكة
بتغنى هجيني مع زجل=وأزرع الحب فيها وأسلكه
بزرع الورد ما بزرع فجل=عطرها دم قلبي بسفكه
لأجلكم صدقوني إيه أجل=الهوى ذا فؤادي شربكه
كنت أظن الهوى كله دجل=لين قلبي تلوى بشركه
بعد جربت لوعات الوجل=لو بغيت أتركه ما يتركه
يوم قالت:أحبك في خجل=صار فيني جنون ودربكه
داعج عيونها دعجة حجل=شكت القلب شك المشبكه
فكري اللي تولع بالنجل=غاص في بحرها مثل سمكه
عشق ولهان لكني رجل=أحبكه بالحنايا وأسبكه
حافظه بالحشا داخل سجل=محد يلمسه والا يفركه
برسله للغلا على عجل=وأنتظر رد شافي ببركه