السلام عليكم ورحمة الله وبركاته
واليكم الأبيات
قسم برب الخلائق والذي جابك=ماني بناسي غلاك ولا بيطريني
أنتي كتاب العمر أحفظه وأقرابك=وأكتب حروفه بدم من شراييني
هذي حقيقه أنا بنوم وأصحابك=رفيقي الطيف يطربني ويشجيني
ياما خفق قلبي لطيفك وهلابك=ظنيت طيفك ليا عانقت يشفيني
أحضنك في حلم يومي وأتمسابك=وأتبعك رغم المسافة بينك وبيني
أغليك وأهواك أكثر من أقرابك=نسيت عمري قبل معرفك وسنيني
فديت عمرك ونبضك وأفدي أهدابك=اللي تحسه بقلبك ربع ما فيني
ما تدري إني هويتك وأعشق ترابك=ياوردة العمر يافلي وياسميني
حتى عتابك أحبه وأعشق عتابك=يا فاتن الروح كانك بعد توحيني
أنت الذي مالك قلبي وله شابك=بيدينك اليوم تضحكني وتبكيني
وأقول يفدونك أحبابي وأحبابك=يامن غرامه يعطشني ويرويني
ياما تطيبت بحلامي من أطيابك=وياما على جرحي الفرقا بتكويني
يابعد عمري تمالك بس أعصابك=أنا أدري إنك بهذا الحب مفنيني
والله ماقول حاسب وإحسب حسابك=سو الذي يعجبك مادام تغليني
أنا موافق على عدلك مع إرهابك=تنزف جروحي بروحي من يداويني
ما صابني من غرام وشوق بسبابك=وشلون يخطر ببالك قول ناسيني
قسم برب الخلائق والذي جابك=ماني بناسي غلاك ولا بيطريني