السلام عليكم ورحمة الله وبركاته
من أروع القصائد التي بالوشاية
أعجبتني وعلها تعجبكم
الهنوف اللي بدت معي الغرام من البدايه=جيتها كلي عسى الخلاق يهدي والديها
جيتها ما املك لهلها لاضلال ولاهدايه=غير كلمة عاشق باقصى ظميري محتسيها
كلمة عندي وصاه وقلبها راع الوصايه=انشدوها كان تبغاني فانارجال ابيها
ياحبيبي جيت من شانك تدرجني خطايه=شوكتين اشوفها والباقيات آطى عليها
جيت خاتم ركعتين الاستخاره والقرايه=يالله اجعل خيرتي فالحاجه اللي مهتويها
ياحبيبي والله ان مالي مع اهلك غير غايه=غايةانصاب منها واتعزوى واحتميها
غاية من دونها ماعاد في قلبي عنايه=داه منها ون بغيت احلف لك ان دواه فيها
وانت تعرف غايتي يامنيتي دايه دوايه=حيثـك اكبر غايتن من كم وقلبي يمتـنيها
انت باحجار الهوى بانن على قلبي بنايه=والبنايه ياكثر ناس تبيها واحتديها
ان كتبك الله لي قفاالعنا واقبل هنايه=والبلى لاصرت دره فالبحر وازريت اجيها
مشكله لاصرت في دبرة قليلين الدرايه=عالم سبحان من حط الامانه في يديها
ياحبيبي ماعلينا من مرددة الوشايه=الوشايه صيدة الواشي تموت ويشتويها
البدايه حب ناقص وصل واملنا النهايه=يالله اجعل فالنهاية خيرتن دوم احتريها
ياهني اللمبه اللي فوق برواز المرايه=نورها يكشف عليك وغرتـك تكشف عليها
الشاعر
محمد الدهيمي