بين كذب الخيال وبين صدق الجروح =عشت حيران تايه بين هذا وذاك
صرت موجود ضايع بين صمت(ن)وبوح=لاسلمت الجروح ولا إهتنيت بهواك
وسط رمضا غلاك وماش ظل(ن)شحوح=أستظل بجحيمك وأرتوي من جفاك
صرت كلي غموض وسر مابه وضوح=شوف حتى القصيده قلتها من وراك
مابقا ياحبيبي كود قلب(ن)طموح=يرتجي مستحيلك ويتمنا لقاك
كل يوم(ن)تهاوى للمحبه صروح=وأنت قاعد تناظر كيف يهوي غلاك
كان وضعي كذا يرضيك!والله لأروح=برد غيرك ولا ابقى في مذلة دفاك
الشاعر : بندر العتيبي