السلام عليكم ورحمة الله وبركاته
تخيل إنك سويت قصيدة وشافتها ام العيال
والا الخطيبة وزعلت منها ...
لا يهمكم جهزت لكم الإعتذار عشان ما تتعبون
بعتذر لن كان يرضيك العذر=بعتذر عن كل كلمة قلتها
بعتذر عن كل ماجا بالشعر=وبعتذر عن كل فكرة خلتها
بعتذر لك لين ترضا وأستمر=أعتذر للي خطأ زعلتها
كن قلبي من زعلها يعتصر=ضيقة الغالي أنا متحملتها
آه وش سويت مدري يابشر=الحبيبة باخطأ ذللتها
كن عيني ما بها نور ونظر=وش حملني لقصة ما طلتها
وش حملني أتبع ضال الفكر=وأتسبب بدمعتك سيلتها
ضاقت الدنيا بعيني والصدر=ضاق لمن قلت لي قابلتها
والله المعبود مجري للقدر=ماش غيرك في فؤادي شلتها
أنتي اللي كاتبه كل السير=في حياتي بالغلا وكملتها
دنيتي ليلة وحضرتك القمر=أنتي اللي بالبشر فضلتها
بس أنا بكتب على نفسي نذر=ذي شقاوة شاعر وبطلتها