هذه المحاورة بين الشاعرين : الشاكر ابو سامي والشاعر محمد لفيان[شاعر المعنى]=
الشاكر=
سلام من شاعر يبا معه شاعر يظبط القـاف =ويحقق المعنى بكل الطروق ويامسى الخيـر
وما اذمكـم ياربعنـا كلكـم شعـار عـراف =لكن نبغى الشاعر اللي يشوق ويا مسى الخير
محمد لفيان=
يامرحبا واللي يدل الدروب يسير مـا خـاف =ياخذ ويعطي ما تضيع الحقوق ويامسى الخير
يقوله اللي عالجمايل بدا فـي كـل مشـراف =نسمع رعود ولا نشوف البروق ويامسى الخير
الشاكر=
دام البقاء ياللي ترحب ولك في القيـل ميقـاف =ياابو فهد راعي معاني وذوق ويامسـى الخيـر
عز الله انك وقت في راس حيد وصدت الاهـداف =وعسى غروب الشمس بعد شروق ويامسى الخير
محمد لفيان=
حنا نبا ناخذ من البير لو ماغيـر مغـراف =حتى ولو جرعه تبل الحلوق ويا مسا الخير
انا ادري انك من رجال تجيب الحق بانصاف =وابشر نبا نجزيك منها وفوق ويامسا الخيـر
الشاكر=
الخيل والبل الاصيلـة تبـا سايـس وعسـاف =وان كان فات الفوت صعب اللحوق ويامسا الخير
وانته شبابي والشبابـي بعـز ومابـه اخـلاف =وابشر بخير وعندكم مايفـوق ويامسـا الخيـر
محمد لفيان=
لاصار لك فالبنك ثروه وتحمل كرت صراف =ما ينقفل دونك ولا باب سوق ويا مسا الخير
ياكثر ما يحمل جملنا حمول ثقـال وخفـاف =منها يجف الدم وسط العروق ويا مسا الخير
الشاكر=
رصيدنا وافر وتاجر ملي في سوق الاشـراف =والبنك مفتاحه معي وانت حوق ويامسا الخير
اكبر مصيبه لو برك بالحمول وخاف الاوهاف =اللي يقوده صار خلفه يسوق ويامسا الخيـر
محمد لفيان=
الله كريم ولا عطا نعمته بالعيـن تنشـاف =وانته من التجار تاجر خلوق ويامسا الخير
العود ما يبرك ولو جا سنين طوال وعجاف =يشتال حمل وللمسابق سبوق ويامساالخيـر
الشاكر=
الله عطاك الخير وتجود به من كل الاصناف =تستاهله يابو فهد يالصدوق ويامسا الخيـر
العود ماذمه يشيل الحمول اضعاف واضعاف =وبينه وبين اللي قصدنا فروق ويامسا الخير