من هجوس لها وقفات في نظم القوافي وفلات الحجاج=والمعاني ونقد الشعر والشعار وتعز شعـار القوافـل
قلت اشارك بنظم أبيات للشعار والكل له فكر ومـزاج=شاركوا يازحول الشعر خلوها قصيدة تذيع بها المحافل
القلوب السليمة ما تحاوج بالأشعـة وتحليـل وعـلاج=والقلوب المريضة مـا تعافـى بتشخيـص المراسـل
قاله اللي يعرف الصادرة والواردة ويتفكـر بالخـراج=والله اللي خلقنا من نطف والرب للرزق والأعمار كافل
الليالي تتابع والسنين الحاضرة شفـت فالوقـت اعوجـاج=جيت اداوي عواج الوقت واثر الوقت يحتاجله دكتور صامل
كلما جيت ديرة قوم واليـا عدهـا همـج وذراهـا عجـاج=واحمد اللي هداني واهتديت وجابني في ذريـات المنـازل
السنين بحكمها ماشيه مير البلا فاللي دخل عينـه سهـاج =مير وش نعمـل لهـا دام قلـب الادمـي لاهـي وغافـل
ان بعد العسر يسر وبعد ضيق الكرب يجعل لها الرب انفراج = قول قول الحق واصدع بقوله ولاتاخذك فالدعـوه مجامـل
الشعر موهبه من واحدٍ وهاب ماجاء مزاد ولا حراج=صدق إحاسيس تحكيها مشاعر من بلاويه وهمومه جحافل
حكمة الخالق الباري بمخلوقه والأقدار مافيها إحتجاج=أكرم الأدمي بالموهبه والعقل والعرف و الإبداع نافل
والشعر بيت والشعار تبني على حجر والا زجاج =واللي بيته حجر يلقى من اهل الشعر والنقاد حسن التعامل
والمواقف تبين الشعر ويذاق فيه القراح من الهماج=لاقامت قيامة الشعار بالميدان ..بانت بالاشعار المراجل
كل ماضاقت الدنيا على المؤمن يجي بعد ضيقتهاانفراج=والعمر يارجال العرف فاني وادعس الهم تحت الرجل سافل
واذكر الساعه اللي تدخلك فالقبرمافيه نور ولاسراج=واجتهدفي فروض الله ولاتهجركتــابه ولاتنسى النوافـــــــل