السلام عليكم ورحمة الله وبركاته
قرب العيد ياللى تحترونه ........ وبتكثر معه العزايم والذبايح .... والعلوم الزينه .
طبعا اذا قلطت الذبيحه او الماجوب ..... لازم من عبارات ايقولها المعزب .... حتى المعازيم
يفتتحون مشروع هالوليمه
اللى انقولها دايم ... حياكم الله على ماوفق الله .... بعضهم ايقول .. حياالله الكل والجميع
على ظيفة فلان ويعين اسمه ....بعضهم ايقول تموا على غداكم اوعشاكم ... واللى يكتفى
بالترحيب فقط .. مثل ياهلا .. ياهلا .. اذاكان الضيف من قريب .او ياله بسم الله ..وهذى شبابيه.
عبارة التقليط على ذبيحة العيد ....... حياكم الله على عيد الله .
اما العبارات اللتى تقال .... عند الفراغ من الوليمه
لعل ابرزها واشهرها ..... خلف الله عليكم .... الله يخلف عليكم باخلفه ... جاد الله عليكم .
بارك الله لكم . ...عباره جميله كثر رزهم ودام عزهم .
عبارة الانتهاء من ذبيحة العيد ... عدتم على العيد والنهار السعيد .
ولا احد ايقوم قبل الضيف ...... انتبهوا . #مزحه #
اللى عنده اضافات لايقصر .
خصوصا كل منطقه ... لها عبارات خاصه .
وكل عام وانتم بخير .... قبل الزحمه .
و قبل ما يشرف ضيفنا ابن عميش
حياك على عشانا حياالله الكل والجميع
على ظيفة ابن عميش