ياهبوب النود هبي من جنوب ومن شمالـي=واخبريني عن لطيف الروح بالله كيف حالـه
ابتعد عني وصرت وحيد فالدنيـاء لحالـي=له ثلاث اشهور ماسوى أتصال ولا رسالـه
اتصل واعد سرع الوقت واعيـد اتصالـي=لا وجد في خدمة الموجود ومقفـل مجالـه
المحبه لوعت عليـا وابـو زيـد الهلالـي=وعنتر العبسي من اجل الحب غامر في قتاله
لجل عبـلا سـل سيفـه ويتفنـن فالقتالـي=مايهمه منهـم أعمامـه ولا همـه خوالـه
يارياجيـل الحميـه ياكريميـن السبـالـي=افزعوا للي ثقل حمله وضيـع راس مالـه
وصلوا شكواي لسامر من ازحول الرجالي=وخالد الفيصل عريب الساس زيزوم الشكاله
وصلوا شكواي للطحطوح حمـاي التوالـي=الأمير اللي رقا بالشعـر وابيوتـه جزالـه
الأمير ابو محمـد منزلـه شامـخ وعالـي=مثل نجم اسهيل متعلي على المرقب لحالـه
وضحوا شكواي قولوا صار في هم وهبالي=والسبب فرقا الوليف اللي قطع عني وصاله
له وصوفٍ لو توصف وصفها فاق الخيالـي=الله اللي صوره فاحسن صور باهي جمالـه
ارمدي الرمش لا سلهم كسى خده ظلالـي=والعيون بحور فيها الموج يصفق كل جالـه
والجديل اشقر ولونه دم مـن دم الغزالـي=ويتذير مثل ذاك الريم فـي عالـي جبالـه
والخصر ياعود موزِ مع نسيم الصبح مالـي=والجسم جذاب ماهو مثل جسـم البرتقالـه
هو حياتي هو غناتي مكسبي مع راس مالي=والله اني لو يطول الوقـت مـادور بدالـه