السلام عليكم ورحمة الله وبركاته
مساكم الله بالخير
اقدم لكم هذه القصيده وآمل بأن تنال اعجابكم
آه من قلبي اللي فيه فرحه و ونه = من هنوف(ن)عجزت أعرف زعلها ورضاها
مر بعيونه اشاهد لضحكات سنه = ومر اشاهد علامات الغضب في حشاها
حركت لي جروح(ن)بالحشا مستكنه = واتعبتني وهي داها وهيه دواها
طلبت بنز وانا ما معي غير دنه = ما تراعي ظروفي حسبي الله علاها
كنت مرهي لشرب العذب وأقرع بشنه = لو انا ماقطعت الياس من شرب ماها
لاعب(ن)محترف يدبل بحكمه وصنه = حلها عند هاشم كان مالله هداها
والهواء مايعرف صغير من كبر سنه = بالمشاعر سهوم العين تاصل مداها
والهواء فيه فيه وفيه شنه ورنه = جرعت المر من الغالي تساوي حلاها
مر ابحمس هنوف الريم واحرق لبنه = وتراجع وكله من سبايب غلاها
عاشق الريم ما ميز لصحوه وجنه = يالله إنك تهي لكل نفساً مناها
الشاعر / هلال غافل الثبيتي