بسم الله الرحمن الرحيم
الحمد لله رب العالمين....
بمناسبة رجوع صاحب السمو الملكي الأمير سلطان بن عبدالعزيز
من رحلته العلاجية بعد أن من الله عليه بالشفاء
قلت هذه الأبيات والتى أرى أنها لم ترق لمستوى الحدث ولا لما يستاهل أبو خالد
فيظل الشعر والنثر قاصرا دون وفائه ما يستحق
ولكنها محاولة المقل وعلها تروق للبعض منكم
واليكم مساهمتي المتواضعة
يا مرحبا وهلين بقدوم سلطان=عود لنا من غيبته بالسلامة
أهلا هلا عداد ما هلل لسان=وعداد من يبعث بيوم القيامة
وعداد دورات الليالي والأزمان=وعداد ما خط القلم من علامة
كل الوطن بقدوم سلطان فرحان=وإستبشر بجيته قصر اليمامة
أقولها ويقولها كل إنسان=حييت يا رمز السخا والكرامة
سلطان جوده يرجح بكل ميزان=مضرب مثل لكل طالب زعامة
سلطان خير وللكرم صار عنوان=يتبع جزيل المد حلو إبتسامة
إسم(ن)على مسمى والأفعال برهان=سلطان طيب ومثلها بالقرامة
درع الوطن عن كل طامع وغلطان=الحق ما تلحقه فيه الملامة
ليا جالها بالجو نار(ن)ودخان=يرسي لها مثل رواسي تهامة
شبل الأسد تلقاه في كل ميدان=عنده سباع تروح مثل النعامة
زبن الدخيل ليا تعزوى كحيلان=من أجل هامة يفتدي بالف هامة
وليا إستقرت حط للخير صيوان=يزيد الشهامة بالمواقف شهامة