حكم علي العقل واوثق قيادي=يحسب عليه كل خطوة بمقياس
بنى من الأحلام سجن انفرادي=واقام لي سجان ما يعرف الياس
أتعبت نفسي بالكبر والعنادي=لين اصبحت مثل الجمر بعد الاقباس
واحترت ما بين الصبا والرشادي=مثل الصويب الّي ينازع للانفاس
لأجل الهوى كرهت شربي وزادي=كني سواة البن يقلى بمحماس
وأخاف لاسري يفجرفؤادي=ويشيع مكنون الضمائر مع الناس
وأغدي حديث الخلق رائح وغادي=مثل اللبان الّي غدابين الأضراس
فيما مضى ما كان سهل قيادي=طول السنين الماضيه رافع الراس
ولااحد(ن) كتب اسمي بصفحة سوادي=ولا اخذت لي من سفلة القوم جلاّس
أنا عتيبي(ن) بوسق الشدادي=ليا تنادوا باللقا فوق الافراس
هذا انا من قادحين الزنادي=من مشعلين النار في روس الاطعاس
هذا انا يا ناقشات الأيادي=يلي لكم في خافق القلب هوجاس
هذا انا يا بارزات النهادي=يا مشغلات قلوبنا عذب الاوناس
هذا انا يالابسات القلادي=ماني بلا خبل ولاني بحلاّس
همست همس الود ماني منادي=خائف يعرف بقصة الود بلاّس
خوفي من الشمّات قلل رقادي=أسهر طوال الليل والخلق نعّاس
مدري غصب والالهاالوقت جادي=ياعزمني طيب العرق والسا س
يلي مثل ذوب النحل بالزبادي=وأطيب من الريحان لن هب نسناس
قصة هوانا فل ورد وكادي=زرعتها بالقلب باعز مغراس
وإن كان قام الحض زان الحصادي=واخضرت الاغصان من بعدالايباس
أرسلت مرسالي ولن كان عادي=جاني بجواب الّي لها القلب حساس
ولابد من علم يجينا وكادي=اما علن والا رسالة بقرطاس
وإن كان ما جاني خبر واعتمادي=ارسلت للبلدان مليون عساس
ماني بتارك بالبسيطة بلادي=إلاتنشدت أهلها وكل الأجناس
لعل منهم من يحقق مرادي=ويدلني على الذهب جوهر الماس
ولالي ملاذ الا الصبر لو زاد=ولابد بعد العقد تنحل الامراس
التميز
الإهداءات
هذا انا يا ناقشات الأيادي..؟؟؟
