أسعد الله اوقاتكم
الأبيات كيبورية
علها تروق لكم
ياحلم ياللي متجه وجهة الشرق=وأنا معاكس لإتجاهك على الغرب
شرقك وغربي بينها بالزمن فرق=لو إتفقنا بالهدف سلمنا حرب
حتى قصيدي صار يتعبني الطرق=لن جيت أوسع خاطري صابني كرب
يحرق معاليق الحشا بالجزع حرق=ما عاد أحس بلذة الزاد والشرب
الحال ينقص والعنا يسرقه سرق=واللي يقفي صعيب يرجع مع الدرب
تقافت الأيام في سرعة البرق=والمقبلات من الليالي بها ترب
أوجاع عمري مغرقه خافقي غرق=والفكر ينزف والمشاعر غدت خرب
ماعاد أنا واياك يانائح الورق=تباعدت أقدارنا والجفا سرب
ماعاد ينفع بعد قسواتننا نرق=خلك على ما كنت في ماقفك ذرب
أيام وأقفت مثل كية على عرق=كية زمن والعبد في دبرة الرب
ياحلم ياللي متجه وجهة الشرق=وأنا معاكس لإتجاهك على الغرب
التميز
الإهداءات
ماعاد أنا واياك يانائح الورق !!!
رد: ماعاد أنا واياك يانائح الورق !!!
