الهم يطحن بالضلوع النحيله !!!

الله يمسيكم بالخير والرضا

بدون مقدمات اليكم الأبيات

علها تروق لكم

وأول واحد يرد عليها اما مدحته وإلا هجيته

الخلاصة اليكم ما جادت به القريحة

مرت ثلاث أيام صعبة ثقيله=أثقل على الخفاق من شامخ طويق
الهم يطحن بالضلوع النحيله=والجرح ينزف من عروقٍ(ن)معاليق
عِقب غيابك يا يالعنود الأصيله=الدمع يذرف والمحاجر محاريق
راحت علومي من غيابك دبيله=الحلق ناشف ما لقا لين الريق
مواجعي عقب المغيبة جليله=أصفق بكفي كف من شدة الضيق
ماني بعارف للتواصل وسيله=ياصبر أنا ما عدت لك يوم بطيق
اون وأشكي للقصيد الخليه=وأدرى وأداري عن جميع المخاليق
مقهور مالي في مواصله حيله=ما سلوتي إلا لحون الطواريق
لا من ذكرت اللي وصوفه قليله=ونيت ونة طاعنينه مطاليق
ينخى بني عمه وسمو القبيله=تكفون يا ربعي لحقني ملاحيق
هاتوا لي اللي مالها من مثيله=بين العذارى شامخة منسب يليق
أمثالها بالناس نادر فصيله=بنت الأصول أهل الكرم والبياريق
بالديرة اللي ما غزتها رذيله=تلقونها ما بين سيهات وبقيق
فيها وصوفٍ(ن)نادرات وجميله=رمت فؤادي بالسهوم الزواريق
ما عاد يرضيني سواها بديله=فرقا وليف الروح يا ربع ما أطيق
لأجل غلاها بصنع المستحيله=يالله يا ربي عليك التوافيق
وهبتها روحٍ(ن)تحب الفضيله=أقدارنا بيدين رب المرازيق
اللي جمعنا من سنينٍ(ن)طويله=على الوفا والحب دايم مرافيق
والمقبلات من الليالي كفيلة=تجمع لشمل قلوب من عقب تفريق
مهما تمر سنين صعبة ثقيله=أثقل على الخفاق من شامخ طويق

حي الشعور العذب وشاعرها
صح نبضك أستاذي
ولي شرف الحضور الأول

لمتصفك تقبلها

صح لسانك دائما مميز


الحمد لله سبقتني عبير

عاد مدري تمدحها والا تهجوها

تقبل التحية

مميز شاعرنا

ابيات راقية

دوم مبدع

الله الله


ابداع شاعر متمكن


صح لسااااااااااااااااااانك

احسنت


صح لسانك الله يعطيك العافية

صح لسانك واعتلا شانك ابدعت لا هنت



تقبل خالص التحية

تسلم ايدك وصح منطوقك يا رائع ربي ما يحرمنا من قصائدك

صح لسانك ونبضك شاعرنا المبدع ربي يوفقك

صح لسانك مليون ولا يكفون قصيدة رائعة