ممازحة للشاعرة الراسية بالسناب
يـالـراسـية كــل راســي لــو تـهـزيه لان
يـعـطـيك يـالـراسية جـمـيع مــا يـمـلكه
الـشاعر الـلي يـحصل منك صح اللسان
مــا كـنـه إلا مـلـك والـشـعر لــه مـمـلكه
المدح سحر النفوس ومنك سحر البيان
مـافيه مـنحى بـدرب الـشعر مـا يسلكه
يـاليت مـاض الـزمان يـعود هـذا الزمان
مــا كــان شـابـت قـوافـينا بـدون بـركه
لــكـن يـالـراسية مـاكـان بـالـوقت كــان
أعــمــارنـا والـلـيـالـي حــالــة ٍ مــربـكـه
الـلي نـريده رحـل والـلي نـحاذره حـان
والـحظ يالراسية مسجون جوف شبكه
لـو الأمـاني تـجي بـالسيف وإلا الـسنان
سـويت مـن شـأن حـظي يعتدل معركه
الـوقـت يـالراسية كـسب عـلينا رهـــان
الـلـي مـضى مـايجي والـغيب مـاندركه
مـابـاقـي إلا دعــانـا بـالـخــفا والـبـيـان
يــــارب مــاهـو يــزيـد بـذنـبـنا نـتـركـه
نـعـوذ بــك مـن جـنان ونـطلبك لـلجنان
يــاغـافـر ٍ لـلـذنـوب الــلـي لــنـا مـهـكـه
ⒿⒶⒷⒺⓇ
التميز
الإهداءات
الحظ يالراسية مسجون جوف شبكة
رد: الحظ يالراسية مسجون جوف شبكة
