العام كنت احلم بشوفك دقايق !!!

أسعدكم الله


جبلت الأنفس على الأمل والحلم بما تتمناه

حتى وإن كان مستحيلا كحلم إبليس بالجنة

ولكن هكذا هي الحياة بين فرح وترح والم وفرح

ولولا اختلافاتها لملت الأنفس من روتين الحياة

وكما يقول المثل: لولا اختلافاتها ضاقت

المهم من الخيال الجامح اليكم ما نظمته البارح

عله يروق لكم

العام كنت احلم بشوفك دقايق=واليوم صرت ابعد من الجدي وسهيل
أشاهدك بالحلم والبال فايق=وليا صحيت يضيق صدري من الويل
لا من ذكرت ظروفنا والعوايق=تسابقت عبرات عيني هماليل
وليا صدمني واقعي والحقايق=ونيت ونة تكسر لعظم حلحيل
سلكت من شانك جميع الطرايق=أتعبت حالي والقدم والمراسيل
ما شاقني سواك بالبيض شايق=يامن غرامه هدني واضعف الحيل
من عقب شبت في ضلوعي حرايق=ماعاد ينفع فيَّ طب وتحاليل
كتب غرامك فوق روحي وثايق=رهن مشاعرها على وصل تاجيل
من يومها ما عدت للعقل فايق =أبعثر الافراح واجمع غرابيل
أشيل حمل الشوق ماني بطايق=اثر الهوى للقلب سم وبهذايل
هجرت لأهلي والرفق والرفايق=أنظم قصيدي فيك وأنشد مواويل
دام القصيد بحضرتك صار لايق=بقضي معه ليل الهوى والتعاليل
عله يخفف ضيقه لصدر ضايق=غدا لهم الوقت كله مداهيل
من عقب كان بماضي العمر تايق=الليله الطاروق ياليل ياليل
العام كنت احلم بشوفه دقايق=واليوم صار ابعد من الجدي وسهيل

صح لسانك مدد ماهو عدد ابدعت لا هنت



تقبل خالص التحية

صح الساااااانك يابن هليل ويعطيك العافيه

احترااااااااامي

ابدعت يابن هليل

رووووعة الكلمات و التعابير صغتها في ابيات جميل

شكرا لك

يعطيك الف عافية و صح لسانك روووعة

صح لسااااااااانك يا مبدع القوافي



تقبل مروري والتحية

صح لسانك وبيض الله وجهك



قصيدة تستحق الاشادة


تقبل التحية

صح نبضك شاعرنا تجنن ربي يسعدك

رووووعة صح لسانك راقت لي ربي يسعد ايامك

وما يحرمنا من ابداعاتك

الله الله


ابداع معهود ومشهود


صح لسانك بلا حدود