سلطان المنصوري + عبدالله الحليفي
في 7/1/1429هـ
سلطان المنصوري
وين الحليفي بعد شدينا الحمل فوق البعير=نبى نسوق جمالنا شرق الديار وشامها
ودك تسويلك علاقة يالحليفي مع مطير= ومطير ناس(ن) مسلمين ولاانت قد اسلامها
عبدالله الحليفي
سوق الجمل بالحمل ياسلطان والساير يسير=كلٍ يعرف البندق اللي محتزم بحزامها
انت افتح البيبان وانا ابروي السيف الشطير=واللي تلحمها يبو هياف افك الحامها
سلطان المنصوري
ياللي تدور للعسل والسمن الاصفر والمضير=تحرم عليك اللقمة اللي ميدمه بايدامها
والله ماتقرب من المنحوت والسيل الكبير= لو كات تعدي بالذلول اللي طويل خطامها
عبدالله الحليفي
اثرك راعي نيةٍ قشرا وشرك مستطير=اغناني الله عن حواسيد العرب وايتامها
اليا بغيت الشي الي هقوه تعديبي عسير=لكن ما ابغا ديرةٍ سلطان شاف اعلامها
سلطان المنصوري
اغناك ربي بالعباة الصوف والثوب الحرير=لكن ماضيع عباد الله غير احلامها
عيب الحليفي وده يشل الدلو في كل بير=لكن ماله حظ دام ايدامها قدامها
عبدالله الحليفي
وانته مع الروقه وجاتك كسوة العيد الكبير=واليوم تطربك الهبوب اللي تهب انسامها
شلّ الدلي يروي كبودٍ يابسه مثل الحصير=لكن مابه نفس نحداها لجرح اصيامها
سلطان المنصوري
لا تحسدون اللي يبى المصياف في سودة عسير =دام القبايل في عسير مركزات اخيامها
ماعاد الك عندي بصر خلك على روحك بصير=الحبر دوبه يكفي عتيبه وروس اقلامها
عبدالله الحليفي
انا بلشت امع اليتيم اللي معي دايم خشير=ليت القبايل فالمصايف سافرت بايتامها
مادام ما انت مزين الأوضاع ماتصلح سفير=لكن خل العقده اللي ما عرفة ابرامها
م
ن
ق
و
ل
التميز
الإهداءات
سلطان المنصوري الثبيتي +عبدالله الحليفي
